شفته؟!
شفت كفه عامل أزاى م الشقا؟!
شفت جلده و الكعوب متشققة؟!
شفت ضهره و هوا محنى...
و شكله عامل حرف L؟!
شفت بقه لما يضحك..
كل ضحكة سنان تقل؟!
شفت شعره أبيض أزاى م اللى شافه؟؟
و لما كح الدم، أزاى الكل خافوا؟!
شفته طبطب عالعيال..
أزاى و هما بيلعبوا؟!
و خاف عليهم قد أيه..
م اللف لحسن يتعبوا؟!
شفته فصوان العزا..
عمّال يدور فالوشوش..
على حد لسه يعرفوا..
على حد لسه مودعوش..
شفته ودع كام صديق..
و كام حبيب؟!
و كام قريب؟!
و دعوته وسط الصلاة..
يا رب متسبنيش غريب..
سبنى أتونس معاهم..
كله راحلك إلا أنا..
و أن كان لسه فالعمر باقى..
طب فاضلى كام سنة؟!
أسف أنا مش قصدى أراجعك..
و الشكوى دى مش كُفر منى..
مش قولتلى "أحكى اللى واجعك"؟!
طِلع الكلام ده غصب عنى..
طلع الكلام..
أهبل و خام..
عيل عبيط..
ملهوش لجام..
و العمر دايرة..
مقفولة صح..
أولها..
نلقاه فالختام..
و شكله عامل حرف L؟!
شفت بقه لما يضحك..
كل ضحكة سنان تقل؟!
شفت شعره أبيض أزاى م اللى شافه؟؟
و لما كح الدم، أزاى الكل خافوا؟!
شفته طبطب عالعيال..
أزاى و هما بيلعبوا؟!
و خاف عليهم قد أيه..
م اللف لحسن يتعبوا؟!
شفته فصوان العزا..
عمّال يدور فالوشوش..
على حد لسه يعرفوا..
على حد لسه مودعوش..
شفته ودع كام صديق..
و كام حبيب؟!
و كام قريب؟!
و دعوته وسط الصلاة..
يا رب متسبنيش غريب..
سبنى أتونس معاهم..
كله راحلك إلا أنا..
و أن كان لسه فالعمر باقى..
طب فاضلى كام سنة؟!
أسف أنا مش قصدى أراجعك..
و الشكوى دى مش كُفر منى..
مش قولتلى "أحكى اللى واجعك"؟!
طِلع الكلام ده غصب عنى..
طلع الكلام..
أهبل و خام..
عيل عبيط..
ملهوش لجام..
و العمر دايرة..
مقفولة صح..
أولها..
نلقاه فالختام..
ليست هناك تعليقات:
إرسال تعليق