الكل فاكر أن الملحد ده موضة.
محدش فاهم أن ده اكتر أنسان بييجى عليه فترة تخليه يبكى او يخاف من الدنيا.
يمكن انا فى الفترة دى دلوقتى.
تخيل انك طول عمرك بتؤمن بشخص هيحاسبك و خايف تغلط و بتضيع حاجات كتير فى حياتك عشانه.
تخيل ان انتا طول عمرك بتتكل على حد معين، مهما كانت مشاكلك بتقول يا رب و تغمض عينك و تنام.
و فجأه تكتشف أن الشخص ده طول الوقت مكانش موجود.
فكرة الله بتريح كتير لما متلاقيش حد جنبك.
و لما تقتنع انه مش موجود هتفهم يعنى ايه انت لوحدك.
تخيل ان حد عزيز عليك اوى مات، مجرد فكرة انتقاله لمكان اخر بتريح، لما تكتشف ان روحه كدا خلاص فنيت يعنى كان موجود و انتهى، تعمل ايه؟!
انتو فاكرين أنه موضة، بالعكس ده اوحش اكتشاف اكتشفته ف حياتى، بس المشكلة انه واقع، دورت و بحثت و اكتشفت ان انا كان مضحوك عليا، و العقل لما يفهم حاجة مينفعش يتضحك عليه تانى.
لما يعلموك ان ٢+٢=٥ و تفضل مصدق طول عمرك و تتعلم بعد كدا تعد على صوابعك و تكتشف ان ٢+٢=٤ هتفهم انهم ضحكوا عليك و عمرك ما هتقدر تستوعب ٥ دى تانى
عشان الحقيقة وضحت.
ليست هناك تعليقات:
إرسال تعليق